Kûrahiya Sibê

Sîs û sipî ye

sîs û spî 

              hespê mirinê 

Tîrêjên rojê 

Davêje ji pişta xwe 

Sibe çiqas dûr e

Size çiqas

dûr

       e

 

 

Reş û patî ye hespê jiyanê

Reşpatî

Bin piyên xwe de 

Didewisîne 

Tîrêjên rojê

 

Sibe çiqas dûr e!

 

 

Di demek bêhemdî de

Tora xwe digerîne felek

Li wistiyên me

 

Sibe çiqas dûr e!

 

 

Xubarê stêrkan

Dadiweşe 

Ji çavên melekek kwîr

Li ser xewnên me de

 

Sibe çiqas dûr e!

 

Dikim

Deriyê dilê xwe bigirim

Bimirim bêdeng

Dike 

Zimanê min bifetisîne

Zimanê min baweriya min e

Sibe çiqas kûr e!