Kûrahiya Sibê

Sîs û sipî ye hespê mirinê 

Tîrêjên rojê 

Daveje ji pişta xwe

 

Sibe çiqas dûr e!

 

 

Reş û patî ye hespê jiyanê

Bin piyên xwe de 

Didewisîne 

Tîrêjên rojê

 

Sibe çiqas dûr e!

 

 

Di demek bêhemdî de

Torê xwe digerîne felek

Li wistiyên me

 

Sibe çiqas dûr e!

 

 

Xubarê stêrkan

Dadiweşe 

Ji çavên melekek kwîr

Li ser xewnên me

 

Sibe çiqas dûr e!

 

Dikim

Deriyê dilê xwe bigirim

Bimirim bêdeng

Dike 

Zimanê min bifetisîne

Zimanê min baweriya min e

Sibe çiqas kûr e!