Xwedê yo!

 

 

 

Sê, heft, çel!

 

Tarî li du me

Ronî li ber me

Mirin ji kezeba jîyanê çav dike

 

Her heft roj

Bi tîrêjek ve girêdayî ne

Çel roj e şîn a me

Şahîya me tenê gavek!

 

Ziman hewa bi xwe ye

Ax û xwelî xet a min in

Bi gîsin, bi tevir, bi bêr 

Min mirazê xwe nivîsî. Qeder a xwe. Şîn û şahîya xwe. 

Pênûsa min ev gîsin e

Ev tevir ev bêr… Tê da hêstîrên bavê min, şîra diya min, hestîyên bapîrên min dirijin. 

 

Dinê kitebek e dive em ê bişînin Xwedê! 

 

Xwedê yo! 

Tiştên ku te li henîya me nivîsand qet bixwe xwend?